अछाममा स्वास्थ्य बिमा प्रभावकारी बन्दै

अछाम , फागुन २७ ।
आर्थिक अवस्था कमजोर भएका जनतालाई स्वास्थ्य सेवाको पहुँँचमा ल्याउने उद्देश्यले सरकारको सामाजिक स्वाथ्यविकास बोर्डमार्फत ल्याएको स्वास्थ्य बिमा कार्यक्रम अछाममा प्रभावकारी बन्दै गएको छ । भौगोलिक कठिनाइ, गरिबी, नागरिकको चेतनास्तरलगायत चुनौतीका बाबजुद पनि बिमा कार्यक्रममा आमनागरिकको आकर्षण देखिएको सामाजिक स्वास्थ्य सुरक्षा विकास बोर्ड अछामका दर्ता अधिकारी प्रेमबुढाले बताए । ०७३ पुस महिनादेखि सुरु गरिएको बिमा कार्यक्रम अन्तर्गत अछाममा हालसम्म ४ सय ७८ घरपरिवारका २ हजार ४ सय ७८ जनाले स्वास्थ्य बिमा गराएका छन ।

उनीहरूबाट बिमा गराएबापतको १२ लाख रकम संकलन भएको छ । बिमा लागू भएपछि स्वास्थ्य सेवाको पहुँचबाट टाढा रहेका सर्वसाधारणले सहज रूपमा स्वास्थ्य सेवा पाएका छन । प्रत्येक परिवारमा ५ जनासम्मका लागि २ हजार ५ सय र ५ जनाभन्दा माथिको संख्या भएमा थप ४ सय २५ रुपैयाँ शुल्क लाग्नेछ । बिमा गरेपछि एक वर्षसम्म बिमा गरेको परिवारको सदस्यलाई ५० हजारसम्मको स्वास्थ्य सेवा (उपचार, निदान र औषधि) प्रदान गरिनेछ । तर, त्यस्तो सेवा भने समितिले तोकेको स्वास्थ्य संस्थाबाट मात्रै लिन सकिनेछ । गरिब असहायका लागि स्वास्थ्य बिमा प्रभावकारी भए पनि आर्थिक अवस्था कमजोर भएको देखाउँदै स्वास्थ्य बिमा गर्न नसकेको दर्ता सहयोगी लक्ष्मी केसीले बताए ।

गरिब नागरिकका लागि स्वास्थ्य बिमा बढी आवश्यक हुने भन्दै जनस्वास्थ्य निरीक्षक झनक ढुंगानाले बिमा गराएर पैसा अभावमा उपचारबाट वञ्चित हुनुपर्ने समस्याबाट मुक्त हुन सबै नागरिकलाई आग्रह गरे । गुणस्तरीय स्वास्थ्य सेवाको पहुँच र उपयोगमा सुधार ल्याई सामाजिक स्वास्थ्य बिमाका आधारमा सबैका लागि स्वास्थ्य सेवा सुनिश्चित गर्न स्वास्थ्य बिमा लागू भएको सामाजिक स्वास्थ्य सुरक्षा बोर्ड प्रदेश नम्बर ७ का संयोजक जनक साउदले बताए ।

 

प्रतिकृया दिनुहोस

'निर्मला पन्त हत्या घटनाको प्रमाण नष्ट गर्नेविरुद्ध फौजदारी अभियोग लगाउनु पर्छ' - डा. गोबिन्द केसी

धनगढी,मंसिर १५ ।  डा. गोविन्द केसीले निर्मला पन्तको बलात्कारपछि हत्या घटनाको प्रमाण नष्ट गर्नेविरुद्ध फौजदारी अभियोग लगाएर कारवाही गर्नुपर्ने

अस्पतालहरु सेवा बिहिन-सुदुरपश्चिम प्रदेशबाट ठुलो संख्यामा स्टाप नर्सहरुको सरुवा

अत्तरिया,मंसिर ५ ।   सुदूरपश्चिम प्रदेशबाट स्वास्थ्य सेवा विभागले २० जना स्टाफ नर्सको सरुवा गरेको छ। विभागले सोमबार जारी गरेको स्टाफ नर्सको नयाँ