धनगढी प्रिमियर लिग अन्तर्गत आज भएको खेलमा टिम चौराहा धनगढी प्ले अफमा

चैत्र २४, धनगढी ।
धनगढी प्रिमियर लिग अन्तरगत शनिवार भएको खेलमा साविक विजेता टिम चौराहा धनगढी डीपीएल टू को प्लेअफमा प्रवेश गरेको छ । यस अघि नै ४ वटा खेलमा पराजय भई प्रतियोगिताबाट बाहिरिइसकेको रुपन्देही च्यालेन्जर्सलाई टिम चौराहा धनगढीले ३ रनले हराउदै प्लेअफमा प्रबेश गरेको हो ।

धनगढीस्थित संघीय प्रहरीको मैदानमा भएको खेलमा टस हारेर पहिले ब्याटिङ गरेको चौराहाले निर्धारित ८ ओभरमा ७ विकेट गुमाएर ७६ रन बनाएको थियो । शुक्रबार राति भारी वर्षा भएकाले मैदान हिलो भएपछि खेल ८ ओभरमा छोट्याइएको थियो । सुरुआती विकेट सस्तैमा गुमाएको चौराहाका लागि पाँचौं नम्बरमा आएका सोनु तामाङले विष्फोटक पारी खेल्दै टिमलाई जिताउन सहयोग पुर्याएका थिए ।

उनले मात्र १४ बलमा ४ छक्का र १ चौकाको सहयोगले ३४ रन बनाए । त्यस्तै रोहन मुस्तफाले १५ रनको योगदान गरे । बलिङमा रुपन्देहीका शुसान भारीले ३ तथा दिपेश श्रेष्ठले २ विकेट लिए । ७७ रनको लक्ष्य पछ्याएको रुपन्देहीले निर्धारित ओभरमा ५ विकेट गुमाएर ७३ रनमात्र बनाउन सक्यो । रुपन्देहीका लागि सागर पुनले १६ बलमा ३३ रनको पारी खेले पनि टिमलाई जित दिलाउन सकेनन् ।

रुपन्देहीका लागि दीपक प्रसादले १६ रन बनाएका थिए । बलिङतर्फ चौराहाका मुस्तफाले २ विकेट लिए । जितसँगै लिगचरणका पाँच खेलबाट ६ अंक जोडेर प्लेअफमा पुगेको छ । उसले ३ खेलमा जित र २ खेलमा पराजय ब्यहोरेको थियो । यसअघि वर्षाका कारण मैदान हिलो भएपछि महेन्द्रनगर युनाइटेड र सीवाईसी अत्तरियाबीचको खेल स्थगित गरिएको थियो भने दुवै टोलीलाई १÷१ अंक दिइएको थियो ।

 

प्रतिकृया दिनुहोस

ईपीएल क्रिकेट प्रतियोगितामा आज दुई खेल हुँदै

काठमाडौं , मंसिर २५। एभरेष्ट प्रिमियर लिग ईपीएल क्रिकेट प्रतियोगितामा आज दुई खेल हुँदै छन् । टियु क्रिकेट मैदानमा बिहान ९ बजे हुने पहिलो खेलमा साविक

गोदावरी नगरपालिका जोनापुरमा ठुलो धनराशीको फुटबल प्रतियोगिता आयोजना हुने

अत्तरिया,मंसिर २४ ।  हाम्रो गोल, सामाजिक बिकृति बिरुद्धको गोल भन्ने नाराका साथ गोदावरी नगरपालीकाको वडा नम्बर ८ जोनापुरमा ठुलो धनराशीको फुटबल

एभरेष्ट प्रिमियर लिग (ईपिएल) टी–ट्वान्टी क्रिकेटप्रतियोगितामा ललितपुर प्याट्रीयट्सद्वारा चितवन टाइगर्स पराजित

काठमाण्डौ,मंसिर २३ ।  एभरेष्ट प्रिमियर लिग (ईपिएल) टी–ट्वान्टी क्रिकेटप्रतियोगिताअन्तर्गत आइतबार भएको पहिलो खेलमा ललितपुर प्याट्रीयट्सले चितवन