विश्वकप फुटबल- कस्तो रहला रुस र साउदी अरबको उदघाटन खेल ?

काठमाडौं , जेठ ३१ ।
फुटबलको महाकुम्भ विश्वकप आजबाट रुसमा सुरु हुँदैछ । राजधानी मस्कोको लुझनिकी स्टेडियममा विश्वकप फुटबलको भव्य उदघाटन समारोह हुनेछ । ८० हजार दर्शक क्षमता भएको यो स्टेडियममा ५०० कलाकारहरुले आफ्नो प्रस्तुती दिनेछन् । इङ्गल्याण्डका पपस्टार राबी विलियम्स र स्पेनका ओपेरा गायक प्लासिडो डोमिगो आकर्षणको केन्द्र हुने छ । यसको अलावा जुआउन डिएगो फ्लोरेज र गरीफुल्ल्निाले पनि आफ्नो प्रस्तुती दिनेछन् ।

 

स्टेडियमको सुरक्षाका लागि ३० हजार सुरक्षाकर्मी परिचालन गरिएको छ । कुनै विपत आइपरेमा लडाकु विमानहरुलाई पनि तयारी अवस्थामा राखिएको छ । उदघाटन समारोहमा ब्राजिलियन फुटबलर पेले स्वास्थ्यका कारण उपस्थित हुन नसक्ने भएका छन् तर रोनाल्डोलाई भने देख्न सकिने छ । विश्वकपको पहिलो म्याच आयोजक रुस र साउदी अरबबीच हुनेछ । यो खेल नेपाली समयअनुसार बेलुका ८ः४५ मा सुरु हुनेछ । विश्वकपको प्रतिस्पर्धामा ३२ टिम सहभागी हुनेछन् । यी टिमलाई आठ समूहमा बिभाजन गरिएको छ । एउटा समूहमा चार–चार राष्ट्र छन् । हरेक समूहबाट दुई राष्ट्र नकआउट चरणमा पुग्नेछन् । आइसल्याण्ड र पनामाले रुस विश्वकपबाट डेब्यू गर्दैछन् । रुस विश्वकपबाट पहिलोपटक भिडियो रेफरल प्रणाली प्रयोगमा ल्याइँदैछ ।


कस्तो होला रुस र साउदी अरबको प्रदर्शन ?

विश्वकपको हालसम्मको इतिहासलाई हेर्दा हालसम्म कुनै पनि आयोजक राष्ट्र उदघाटन खेलमा हारेका छैनन् । तत्कालीन सोभियत संघले (रुस)ले १९७० मा मेक्सिकोमा भएको विश्वकप उदघाटन खेल खेलेको थियो । यो खेल बराबरी भएको थियो । रुस १९६६ मा सेमिफाइनलसम्म पुगेको थियो । त्यसपछि रुसको प्रदर्शन लगातार खस्किँदै गयो । सन् २००६, २०१० मा रुस विश्वकपमा छनौट नै हुन सकेन ।

 

सन् २०१४ मा ग्रुप स्टेजबाट बाहिरिएको थियो । रुसले सन् २००२ मा विश्वकपमा एउटा पनि खेल जितेको थिएन । साउदी अरबले सन् २०१० र २०१४ मा विश्वकपमा स्थान बनाएको थियो । साउदी अरबको राम्रो प्रदर्शन १९९४ मा थियो । त्यतिबेला साउदी अरब प्रिक्वाटर फाइनलसम्म पुगेको थियो । तर सन् १९९८ देखि साउदी अरबले विश्वकपमा एउटा पनि म्याच जित्न सकेको छैन ।

अनलाईन खबरवाट

प्रतिकृया दिनुहोस

मदरल्याण्ड युथ कप फुटबल २०७५ - नवदुर्गा, चारपाते र फारवेष्ट पशुपति टिम विजयी

अत्तरिया,पुष २ ।  गोदावरी नगरपालिकाको जोनापुरमा जारी मदरल्याण्ड युथ कप  फुटबल प्रतियोगिता अन्तर्गत आज भएका खेलमा नवदुर्गा, चारपाते र फारवेष्ट

मदरल्याण्ड युथ कप–२०७४-सुदुरपश्चिम–११, गौरीगंगा र उर्मिला पोल्ट्री फर्म विजयी

गोदावरी नगरपालीकाको वडा नम्बर ८ जोनापुरमा जारी मदरल्याण्ड युथ कप २०७५ फुटबल प्रतियोगिता अन्तर्गत आईतबार भएका खेलमा सुदुरपश्चिम–११, गौरीगंगा–११

बिबेकशिल साझा पार्टीले पुस ४ गते अत्तरियामा मैत्रीपुर्ण फुटबल आयोजना गर्ने

अत्तरिया,पुष १ ।  गोदावरी नगरकमिटी बिबेकशिल साझा पार्टीले आगामी  पुस ४ गते मैत्रीपुर्ण फुटबल आयोजना गर्ने भएको छ । गोदावरी नगरपालिका चौकिडाडामा