कक्षाकोठामै विद्यार्थी मुर्छा पर्न थालेपछि विद्यालयको दैनिक पठनपाठन प्रभावित


गोविन्द बीसी , कैलाली असार ४

कैलाली–शिक्षकले कक्षामा पढाउदै गर्दा कक्षाकोठामै विद्यार्थी मुर्छा पर्न थालेपछि कैलालीको एक विद्यालयको दैनिक पठनपाठन प्रभावित हुन थालेको छ । जिल्लाको बदगोरिया गाउँपालिका अन्तर्गत वडा नम्बर(३ खैरेनी स्थित जगदम्बिके भगवती माविमा विद्यार्थी पढ्दै गर्दा मुर्छा पर्न थालेपछि विद्यालयको नियमित पढाई प्रभावित हुन थालेको  हो । गएको बर्षदेखि यो समस्या हुन थालेको विद्यालयले प्रशासनले जनाएको छ ।

 

सुरुमा एकदुई जना विद्यार्थीमा मात्रै यस्तो लक्षण देखिएको भएपनि अहिले बिरामी विद्यार्थीहरुको संख्या बढ्दै गएको विद्यालय श्रोतको भनाइ छ । अघिल्लो जेठ महिना यता झनै हरेक दिन समस्या देखिन थालेको विद्यालय स्रोतले जनाएको छ । सोमबार मात्रै ६ जना छात्रा बेहोस भएका छन् । विद्यालयमा कक्षा ३ देखि ९ सम्म अध्ययनरत  ८ देखि १० जनासम्म  विद्यार्थी छात्रामा यो समस्या हुने गरेको छ । खासगरी गर्मीयामको बैशाख, जेठ र असार महिनाको अवधिमा यो समस्या धेरैजसो देखापर्न थालेको छ । निमित्त प्रधानाध्यापक दिलराज गौतमका अनुसार पढ्दै गरेका विद्यार्थी छात्राहरु अकस्मात मुर्छा पर्ने, अर्धचेत अवस्थामा रुने, कराउँने, समूहमा हात बाधेर हिड्ने, विभिन्न कुरा बक्ने गरेका छन् ।  उनीहरूमा टाउको र हातखुट्टा दुख्ने, रिँगटा लाग्ने र रुने कराउँने जस्ता लक्षण देखिने गरेका छन् भने, बिरामीपिच्छे फरकफरक छात्राले फरकफरक लक्षण देखाउने गरेका छन् । अचेत अवस्थाबाट ब्यूँझिएपछि बिरामी छात्राले आफूलाई सास फेर्न गाह्रो हुने, हात खुट्टा दुख्ने, काम्ने, झमझमाउने समस्या हुने गरेको बताएका छन् । विद्यार्थीमा यो समस्या दैनिकजसो देखिएपछि स्थानीय र अभिभावकले आ(आफ्नै तर्क गर्न थालेका छन् ।

 

उनीहरूले कसैले विद्यार्थीमा मास हिस्टेरियाको समस्या देखिएको बताउँछन् भने कसैले भूतप्रेतको समस्या हुने गरेको तर्क गर्दै आएका छन् । दैनिकजसो विद्यार्थीलाई यो समस्या देखिन थालेपछि यसअघि विद्यालय ब्यवस्थापन समितिका अध्यक्ष रामबहादुर चौधरीको निर्देशनमा २ दिन विद्यालय नै बन्द गरिएको थियो । यता, विद्यालयका अभिभावकले समस्याको पहिचान गरि समाधानको उपाय खोजी गरिनुपर्ने बताउन थालेका छन् । उनीहरुले एक समस्याले अर्को समस्या सृजना हुन सक्ने भन्दै समयमै यसतर्फ सबैले सचेत र जिम्मेवार बन्नुपर्ने बताएका छन् ।

 

प्रतिकृया दिनुहोस

दुर्गालक्ष्मी बहुमुखी क्याम्पस सुदुरपश्चिमान्चल विश्वबिधालयको आंगिक क्याम्पस बनेपछि शैक्षिक गुणस्तरमा सुधार आउने अपेक्षा

अत्तरिया ,साउन १ ।  अत्तरिया क्षेत्रको ठुलो दुर्गालक्ष्मी बहुमुखी क्याम्पस सुदुरपश्चिमान्चल विश्वबिधालयको आंगिक क्याम्पस  बनेपछि आज उदघाटन

शिक्षा क्षेत्रमा सरकारको ठुलो लगानी भएपनी परिणाम आउन सकेको छैन - मुख्यमन्त्री त्रिलोचन भट्ट (भिडियो)

अत्तरिया ,साउन १ ।  मुख्यमन्त्री  त्रिलोचन भट्टले शिक्षा क्षेत्रमा सरकारको ठुलो लगानी भएपनी परिणाम आउन नसकेको बताएका  छन्  । आज अत्तरियामा

अत्तरिया सामुदायिक अध्यन  केन्द्रको शनिबार हुने भनिएको साधारण सभा स्थगित

अत्तरिया ,असार २२ ।  अत्तरिया सामुदायिक अध्यन  केन्द्रको शनिबार हुने साधारण सभा स्थगित भएको छ   । संस्थकी आजिबन सदस्य धर्मी खड्का लगाएत केहि