महाशिवरात्रि पर्व आज आराध्यदेव शिवको पूजाराधना गरी आज देशभर मनायो

अत्तरिया ,फागुन १ ।
महाशिवरात्रि पर्व आराध्यदेव शिवको पूजाराधना गरी आज देशभर मनाइँएको छ । शिवरात्रि हरेक वर्षको फागुनकृष्ण चतुर्दशीका दिन मनाइन्छ । वैदिक सनातन हिन्दू धर्मावलम्बी आज बिहानैदेखि नदी, कुण्ड र तलाउमा स्नान गरी शिवालयमा गएर श्रद्धाभक्तिपूर्वक पूजाराधना गर्छन् । कैलालीका प्रसिद्ध धार्मिक स्थल तथा शिव मन्दिरमा पनि शिवरात्रीको अवसरमा मेला लागेको छ । धनगढी स्थित शिवपुरी धाम , जाखोरतालमा रहेको शिवमन्दिर ,गोदावरि धामको शिव मन्दीर ,  अत्तरीयाको वनखेत स्थित शिव मन्दीरमा आज विहानैबाट भक्तजनहरुको घुइचो लागेको थियो । , शिवजी उत्पत्ति भएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराणलगायत ग्रन्थमा वर्णित छ । फागुन कृष्ण चतुर्दशीका दिन मनाइने यस पर्वलाई सम्पूर्ण दीनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउने आशुतोष भगवान् शिवको अति प्यारो दिनका रूपमा लिइन्छ । माघ महीनामा महादेवको रुद्रत्व अर्थात् जगत्लाई रुवाउने वा संहार गर्ने तत्वले गर्दा पत्रविहीन भई जीर्ण भइरहेका रूख, बिरुवा तथा झार उनै महादेवको शिवत्व (जगतको कल्याण गर्ने तत्व) ले गर्दा पलाउन थाल्ने हुनाले फागुनमा शिवरात्रि मनाउने गरिएको भनाइ छ । व्रतमध्ये सर्वोत्तम महाशिवरात्रिका दिन आज भक्तजनले शुद्ध भई शिव मन्दिरमा पूजार्चना गरी व्रत बस्ने र शिवको प्रिय वस्तु दूध, धतुरो र बेलपत्र चढाउने गर्छन् । यस पर्वका दिन उपवास गरी रातभर जाग्राम बसे सर्व्सिद्धि लाभ भई यमलोक जानु नपर्ने धार्मिक विश्वास छ । आजको दिन महादेवलाई जाडो हुने जनविश्वासले प्रत्येक घर, चोक र मठमन्दिरमा दाउरा मागेर धुनी जगाई भजनकीर्तनका साथ सोही आगामा प्रसाद बनाई ग्रहण गरिन्छ ।

 

प्रतिकृया दिनुहोस

४५ दिने निशुल्क ब्युटिपार्लर तालिम सम्पन्न

हेमराज भट्ट , अत्तरिया बैशाख १३ । कैलालीको अत्तरियामा जारी ४५ दिने निशुल्क ब्युटिपार्लर  तालिम आज सम्पन्न भएको छ । महिला संङ्गठन कार्य नेपालको

कैलालीका प्रमिख जिल्ला अधिकारी गोबिन्द प्रषाद रिजालको सरुवा , तिवारी प्रमुख जिल्ला अधिकारीको रुपमा कैलाली आउने

बैशाख १३ , अत्तरिया ।  गृह मन्त्रालयले सहसचिव र उपसचिवस्तरका ६० जना कर्मचारीको सरुवा गरेको छ । यसरी सरुवा हुनेमा धेरैजसो प्रमुख जिल्ला अधिकारी र

अतिक्रमित घरहरु हटाउने अभियान गोदावरी नगरपालिकामा शुरु

  बैशाख १३ , अत्तरिया ।  अत्तरिया - मोहना ६लाइन सडक खन्डमा पर्ने अतिक्रमित घरहरु हटाउने अभियान आज गोदावरी नगरपालिकाको ५ नम्बर वडाबाट शुरु भएको छ