डा. गोविन्द केसीको समर्थनमा धनगढीमा पनि प्रदर्शन

धनगढी ,असार ३० ।

चिकित्सा शिक्षा सुधारको माग गर्दै जुम्लामा अनसनरत डा. गोविन्द केसीको समर्थनमा  धनगढीमा पनि प्रदर्शन गरिएको छ । आम नागरीक समुहको नाममा  शनिबार धनगढीको एलएन चौकमा प्रदर्शन गरिएको हो ।प्रदर्शनमा स्थानिय  नागरिक अगुवा, चिकित्सक, सर्वसाधारण लगायत विभिन्न पेशा व्यवसायमा आवद्ध ब्यक्तिहरु  सहभागी थिए ।प्रदर्शनमा सहभागिहरुले नागरिक आवाज दवाउन पाईदैन, माफियामुखी चिकित्सा ऐन चाहिदैन लेखिएका व्यानर तथा प्ले कार्ड बोकेका थिए । उनिहरुले मौन प्रदर्शन गरेका हुन । 
 

जुम्लाबाट केसीले के भने  ?

 
चिकित्सा शिक्षा विधेयकमा गरिएको परिमार्जनको विरोधमा जुम्लामा अनशनरत डा. गोविन्द केसीले आफ्ना माग जस्तोको जस्तै पूरा नभएसम्म आफ्नो सत्याग्रह नतोड्ने बताएका छन् ।

जुम्लामा शनिबार आफ्ना समर्थकलाई सम्बोधन गर्दै डा. केसीले सरकारले विभिन्न बहाना बनाएर आफ्नो सत्याग्रह तोडाउने प्रयास गरेको आरोप लगाए ।

‘सरकार विभिन्न बहानाबाजी गरेर मलाई यहाँबाट उठाएर लैजाने र सत्याग्रह तोडाउने प्रयासमा छ’ जुम्लाको कर्णाली स्वास्थ्य विज्ञान प्रतिष्ठानमा अनशनरत डा. केसीले भने, ‘मेरो स्वास्थ्यका बारेमा चिन्ता भएकै हो भने माग पूरा गर ।’

डा. केसीले अहिलेको सरकार आफूलाई भोट दिएका जनताको हक हितमा लाग्नु पर्नेमा उनीहरुहको हित विरुद्ध लागेको बताए ।   
 

प्रतिकृया दिनुहोस

दरबन्दी अनुसारका डाक्टर नहुँदा बिरामी मर्कामा

बैतडी , माघ १८ । बैतडीको सुर्नया गाउँपालिका–८ ढोलेकी राधा बिकले घरमै बच्चा जन्माइन् । घर नजिकै बनेको सामुदायिक स्वास्थ्य इकाइमा कर्मचारी नहुँदा

राष्ट्रिय सभाबाट पनि ‘राष्ट्रिय चिकित्सा शिक्षा विधेयक २०७५’ पारित

काठमाण्डौ , माघ १७ । राष्ट्रिय सभाबाट पनि ‘राष्ट्रिय चिकित्सा शिक्षा विधेयक २०७५’ पारित भएको छ । बिहीबार बसेको राष्ट्रियसभा बैठकमा प्रमुख

सुशीला कार्की शिक्षण अस्पतालमा

काठमाडौं , माघ १६ । पूर्वप्रधानन्यायाधीश सुशीला कार्कीले महाराजगन्जस्थित शिक्षण अस्पताल पुगेर डा.केसीको स्वास्थ्य अवस्थाबारे जानकारी लिनुभएको छ ।